Масофавий ва аралаш курсларни самарали ташкил этиш юзасидан ўтказилаётган семинар-тренинг якунланди

Ҳуқуқни муҳофаза қилиш академияси томонидан профессор-ўқитувчиларнинг масофавий ва аралаш курсларни самарали ташкил этиш мақсадида тьюторлик кўникмаларини ривожлантириш борасида тизимли ишлар олиб борилмоқда.

2023 йил март-май ойларида масофавий ва аралаш курсларнинг ўқув жараёнини самарали ташкил этиш, электрон таълим ресурсларини ишлаб чиқиш бўйича Академияга янги қабул қилинган профессор-ўқитувчилари иштирокидаги давомли ўтказилган семинар-тренинг якунланди.

Семинар-тренинг жараёнида профессор-ўқитувчиларнинг билим ва кўникмаларини ривожлантириш мақсадида масофавий ва аралаш курсларни педагогик дизайн (Instructional design) моделлари асосида стратегик лойиҳалаштириш усуллари, ўқув жараёнини асинхрон ва синхрон режимларда самарали ўтказиш, замонавий дастурий таъминотлар асосида электрон таълим ресурсларини ишлаб чиқишнинг ўзига хос хусусиятлари кўриб чиқилди.

Мазкур семинар-тренинг Академияга янги қабул қилинган профессор-ўқитувчиларининг масофавий ва аралаш курсларни ташкил этиш масалалари ва унда тьюторлик фаолиятини юритишга оид кўникмаларини ривожлантиришга хизмат қилди.