Фан соати доирасидаги диссертация иши муҳокамаси

Ўзбекистон Республикаси Ҳуқуқни муҳофаза қилиш академияси докторанти О.Шокиров томонидан фан соати доирасида “Маҳаллий вакиллик ва ижро органлари қарорлари қонунийлигини таъминлашда прокурор назорати ҳужжатлари” мавзусидаги диссертация ишининг тақдимоти ўтказилди.

Фан соатида Академия тадқиқотчилари, профессор-ўқитувчилар, ҳамкор ташкилот вакиллари бўлган Ўзбекистон Республикаси Коррупцияга қарши курашиш агентлиги, Тошкент давлат юридик университети, Судьялар олий мактаби, ИИВ Академияси, Инсон ҳуқуқлари бўйича Ўзбекистон Республикаси миллий маркази профессор-ўқитувчилари ва тадқиқотчилари иштирок этишди.

Муҳокамада маҳаллий вакиллик ва ижро органлари қарорларининг қонунийлигини таъминлаш устидан прокурор назорати соҳасидаги долзарб масалалар кўриб чиқилди.

Фан соати доирасида тадқиқотчилар мавзу доирасида ўзларини қизиқтирган саволларга жавоб олишди. Иштирокчилар томонидан бу турдаги тадбирларни самарали эканлигини эътироф этиб, доимий равишда ўтказилиши юзасидан таклиф берилди.