Академия илмий ходимларининг салоҳиятини оширишга қаратилган амалий семинар

Ўзбекистон Республикаси Ҳуқуқни муҳофаза қилиш академиясида анъанавий фан соати ҳамда Лунд университети (Швеция) билан ўрнатилган ҳамкорлик доирасида “Миқдорий тадқиқот методлари: сўровномалар натижаларини таҳлил қилиш” мавзусида амалий семинар ташкил этилди.

Мазкур тадбирга сиёсатшунослик ва режалаштириш фанлари доктори, Латвия университети лектори, Лунд университети илмий тадқиқотчиси Бердимурод Овезмурадов эксперт сифатида таклиф қилинди.

Семинар давомида Ҳуқуқни муҳофаза қилиш академияси илмий ходимлари сўровлар ўтказиш учун статистика фанининг асосий талаблари билан танишиб, инновацион технологиялардан асосида сўровлар ўтказиш бўйича амалий билимлар олдилар.

Тадбир якунида иштирокчилар Ҳуқуқни муҳофаза қилиш академияси илмий ходимларининг салоҳиятини ошириш мақсадида тизимли равишда амалий семинарларни ташкил этишга келишиб олдилар.