Академия ходимларининг илмий салоҳиятини ошириш

Ўзбекистон Республикаси Ҳуқуқни муҳофаза қилиш академиясида анъанавий фан соати доирасида Лунд университети (Швеция) билан ҳамкорликда “Илмий мақолаларга қўйилган талаблар” мавзусида илмий семинар ташкил этилди.

Мазкур тадбирга юридик фанлари бўйича фалсафа доктори, Лунд университети илмий тадқиқотчиси Д.Ибрагимов эксперт сифатида таклиф қилинди.

Семинар давомида Ҳуқуқни муҳофаза қилиш академияси ходимлари, докторантлари ва мустақил изланувчилари ривожланган хорижий мамлакатларда илмий тадқиқотлар олиб бориш мезонлари, шунингдек юқори рейтингли ҳалқаро журналларда илмий мақолаларни чоп этиш учун қўйилган талаблар бўйича маълумотлар олдилар.

Бундай тадбирларнинг тизимли асосда ўтказилиши Академия ходимлари ва мустақил изланувчиларининг илмий салоҳиятини оширишга хизмат қилади.