Электрон кутубхона имкониятлари билан танишув

Ўзбекистон Республикаси Ҳуқуқни муҳофаза қилиш академиясида “Профессор-ўқитувчилар фаолиятида Znanium электрон кутубхонаси тизими имкониятларидан фойдаланиш” мавзусида семинар ташкил этилди.

Мазкур тадбирга “ИНФРА-М” холдинги Ривожлантириш департаменти бошлиғи А.Еманов эксперт сифатида таклиф қилинди.

Семинар давомида иштирокчилар Znanium электрон кутубхона тизимининг қулайликлари, фойдаланувчилар учун мавжуд дарсликлар, ўқув қўлланмалар, маълумотномалар, луғатлар, энциклопедиялар,  бадиий асарларни ўзида мужассам этган универсал маълумот модулининг қулай қидирув тизими билан батафсил танишдилар.

Академия ходимлари ва тингловчиларининг таълим ва илмий-тадқиқот салоҳиятини такомиллаштириш мақсадида бошқа кўплаб ахборот-кутубхона тизимлари қатори ушбу тизимдан фойдаланиш имкониятлари яратилди.

Тадбир якунида иштирокчилар электрон кутубхонадан фойдаланиш бўйича ўзларини қизиқтирган саволларга батафсил жавоб олдилар.