Хорижлик эксперт томонидан таълим жараёнини самарали ташкил этиш масалалари бўйича семинар-тренинг ўтказилди

Профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш борасидаги тизимли ишлар доирасида Академия томонидан навбатдаги семинар-тренинг Бостон Ҳуқуқ мактаби (АҚШ) профессори Жоан Блюм иштирокида "Ўқув курсини режалаштириш. Ўқув машғулотида талабалар (тингловчилар) фаол иштирокини таъминлаш масалалари" мавзусида ўтказилди.

Икки кун давом этган тадбирда интерфаол таълим назарияси, замонавий таълим технологиялари, таълим мақсадлари ва ўқув натижаларини белгилашда Блум таксономиясининг аҳамияти, ўқув жараёнида конструктивистик таълим назарияси билан таълим технологиялари интеграциясини таъминлаш, ўқув машғулотларида талабаларни фаоллаштириш усуллари, таълим олувчиларнинг ўқув дастурларини ўзлаштириш даражаларини объектив баҳолаш масалалари кўрилди.

Шунингдек, мавзу юзасидан савол-жавоб ташкил этилиб, иштирокчиларни қизиқтирган саволларга батафсил жавоб берилди.