Ўзбекистон Республикаси Ҳуқуқни муҳофаза қилиш академияси бакалавриатининг “Прокурорлик фаолияти” йўналишига қабул давом этмоқда

Ўзбекистон Республикаси Ҳуқуқни муҳофаза қилиш академиясида 2023/2024 ўқув йили учун “Прокурорлик фаолияти” бакалавриат таълим йўналишига қабул давом этмоқда.

Академия бакалавриати “Прокурорлик фаолияти” йўналиши бўйича ўқитиш кундузги ва сиртқи таълим йўналишларида ўзбек ва рус тилларида, давлат грантлари ва тўлов контракт асосида амалга оширилади.

2023 йил 12 июль куни Ўзбекистон Республикаси Ҳуқуқни муҳофаза қилиш академияси бакалавриатининг “Тергов фаолияти” йўналишига ўқишга қабул қилиш учун махсус психологик танлов ҳамда ёзма имтиҳон (диктант) синовларида иштирок этган талабгорлар ҳам “Прокурорлик фаолияти” йўналиши бўйича ўқиш учун тест имтиҳонларида иштирок этиш имконияти мавжуд.

Номзодлар жорий йилнинг 20 июль кунига қадар Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг махсус электрон платформасида (https://my.uzbmb.uz/) рўйхатдан ўтадилар.