Ўзбекистон Республикаси Ҳуқуқни муҳофаза қилиш академияси бакалавриатининг “Прокурорлик фаолияти” йўналишига қабул якунланишига 3 кун қолди

Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига асосан Ўзбекистон Республикаси Ҳуқуқни муҳофаза қилиш академиясида 2023/2024 ўқув йилидан бошлаб бакалавриатнинг “Прокурорлик фаолияти” йўналиши бўйича кадрларни тайёрлаш жорий этилди.

Шунга кўра, Ҳуқуқни муҳофаза қилиш академиясида 2023/2024 ўқув йили учун “Прокурорлик фаолияти” бакалавриат таълим йўналишига ҳужжатлар топшириш муддати тамомланишига 3 кун қолди.

Академия бакалавриати “Прокурорлик фаолияти” мутахассислиги бўйича ўқитиш кундузги ва сиртқи таълим йўналишларида ўзбек ва рус тилларида, давлат грантлари ҳамда тўлов контракт асосида амалга оширилади.

Қуйидаги қабул параметрларидан келиб чиқиб, давлат гранти асосида
5 нафар, шундан 4 нафари ўзбек тили ва 1 нафари рус тили бўйича;

тўлов контракт асосида 45 нафар, шундан 36 нафари ўзбек тили
ва 9 нафари рус тили бўйича;

сиртқи таълим (тўлов контракти) асосида 22 нафар, жами 72 нафар номзод 2023/2024 ўқув йилида ўқишга қабул қилинади.

Номзодлар жорий йилнинг 20 июль кунига қадар Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг махсус электрон платформасида (https://my.uzbmb.uz/) рўйхатдан ўтадилар.

Ҳуқуқни муҳофаза қилиш академияси бакалавриатига кириш имтиҳонлари билан боғлиқ янгиликлар билан Академиянинг расмий веб-сайти (www.proacademy.uz (http://www.proacademy.uz/)), ижтимоий тармоқлардаги расмий саҳифалари: www.facebook.com/ProsecutorAcademy www.instagram.com/proacademyuz/ (https://t.me/ProsecutorAcademy) ҳамда оммавий ахборот воситалари орқали танишиб боришингиз мумкин.