Академия илмий салоҳиятини юксалтириш йўлидаги янги ютуқлар

Ўзбекистон Республикаси Ҳуқуқни муҳофаза қилиш академияси томонидан илмий-тадқиқот фаолиятини ривожлантириш ва илмий салоҳиятни юксалтириш борасида тизимли ишлар амалга оширилмоқда. Диссертация тадқиқотлари кўлами сезиларли даражада кенгайтирилди, Академия докторант ва мустақил изланувчилари сони ошди, инновацион лойиҳа ва дастурларни амалга ошириш ишлари фаоллаштирилди.

Академия ташкил этилган 2018 йилда атиги 4 нафар докторант ва 11 нафар мустақил изланувчи қабул қилинган бўлса, ҳозирги кунга келиб уларнинг жами сони 153 нафарга етган. Мустақил изланувчилардан 20 нафари ва 24 нафар докторантлардан 8 нафари диссертация ишларини муваффақиятли ҳимоя қилган, қолган 133 нафар мустақил изланувчи ва 16 нафар докторант илмий тадқиқот ишларини давом эттириб келмоқда.

Мазкур фаолиятнинг муҳим натижалари сифатида Академия профессор-ўқитувчилари илмий салоҳиятини юксалтириш борасидаги ютуқларни таъкидлаб ўтиш лозим.

Хусусан, юридик фанлар доктори М.Аминжонова профессор ва юридик фанлар бўйича фалсафа доктори А.Комилов доцент илмий унвонига эга бўлдилар.

Шу муносабат билан, Академияда илмий унвон олган профессор-ўқитувчиларга дипломларни тантанали равишда топшириш маросими бўлиб ўтди.

Академия жамоаси илмий соҳада муваффақиятга эришган ҳамкасбларини самимий муборакбод этиб, келгусидаги илмий ва таълим фаолиятида муваффақиятлар тилайди.