“Давлат ва жамият бошқаруви соҳасида коррупциянинг олдини олиш” мавзусида семинар ўтказилди

Давлат хизматчиларининг коррупцияга қарши курашиш борасидаги билимларини доимий ошириб бориш Ҳуқуқни муҳофаза қилиш академиясининг асосий фаолият йўналишларидан бири ҳисобланади.

Ушбу фаолият доирасида Рақамли технологиялар вазирлиги ҳузуридаги “Рақамли иқтисодиёт тадқиқотлар маркази” давлат муассасасида “Давлат ва жамият бошқаруви соҳасида коррупциянинг олдини олиш” мавзусида семинар ўтказилди.

Семинар Академиянинг Коррупцияга қарши курашиш илмий-таълим маркази бошлиғи в.б. Х.Турсунбеков томонидан олиб борилди.

Тадбир давомида иштирокчилар коррупцияга қарши курашиш фаолиятини амалга оширувчи ва унда иштирок этувчи орган ва ташкилотлар ҳамда уларнинг ваколатлари, коррупцияга оид ҳуқуқбузарликларни содир этганлик учун жавобгарлик чоралари, республикада коррупция хатти-ҳаракатлари учун жазо муқаррарлигини таъминлаш бўйича кўрилаётган чора-тадбирлар тўғрисида атрофлича маълумот олдилар.

Тадбир якунида иштирокичлар ўзларини қизиқтирган саволларига батафсил жавоб олишди.