Фан соати доирасидаги диссертация тадқиқоти натижалари муҳокамаси

Ўзбекистон Республикаси Ҳуқуқни муҳофаза қилиш академияси мустақил изланувчиси C.Маманов томонидан фан соати доирасида “Коррупцияга қарши курашиш соҳасида “комплаенс-назорат” тизимининг ташкилий-ҳуқуқий асосларини такомиллаштириш” мавзусидаги диссертация ишининг тақдимоти ўтказилди.

Тадбирда Академия ҳамда ТДЮУ докторантлари, профессор-ўқитувчилар, Ўзбекистон Республикаси Коррупцияга қарши курашиш агентлиги масъул ходимлари иштирок этишди.

Фан соатида “комплаенс-назорат” тизимини жорий этиш жараёни тадқиқоти натижалари ҳамда унинг коррупцияга қарши курашишдаги ўрни тўғрисида иштирокчиларга маълумот берилди.

Фан соати доирасида тадқиқотчи томонидан мавзу юзасидан иштирокчиларни қизиқтирган саволларга жавоб берилди.