Мустақил изланувчиликка талабгорлар билан ўтказилган суҳбат натижалари ҳақида

Ўзбекистон Республикаси Ҳуқуқни муҳофаза қилиш академиясида юридик фанлар ихтисосликлари бўйича диссертация ишларини амалга оширишга талабгорларни мустақил изланувчиликка (PhD ва DSc) қабул қилиш юзасидан навбатдаги танлов ўтказилди.

Суҳбатда Академия, Инсон ҳуқуқлари бўйича Ўзбекистон Республикаси Миллий маркази, Ўзбекистон Республикаси Судьялар олий кенгаши ҳузуридаги Судьялар олий мактаби ва Жамоат хавфсизлиги университети етакчи олимлари иштирок этди.

Суҳбатда комиссия аъзолари томонидан суд-ҳуқуқ соҳасида мамлакатимизда амалга оширилаётган ислоҳотларнинг мазмун-моҳияти, талабгорларнинг илмий иш бўйича кўникмалари, тадқиқот мавзуларининг долзарблиги ва аҳамияти борасида саволлар берилди.

Мустақил изланувчиликка (PhD ва DSc) қабул қилиш юзасидан навбатдаги танлов якуни бўйича тегишли қарор қабул қилинди.