Республика илмий-амалий конференцияси бўлиб ўтди

Ўзбекистон Республикаси Бош прокуратурасида “Ҳуқуқни муҳофаза қилувчи органлар ходимларининг маънавий-маърифий қиёфасини юксалтиришнинг долзарб масалалари” мавзусидаги республика илмий-амалий конференцияси ўтказилди.

Тадбирда  Ўзбекистон Республикаси Бош  прокуратураси, Маънавият ва маърифат маркази, Ҳуқуқни  муҳофаза  қилиш академияси, Олий таълим, фан ва инновациялар вазирлиги, Ички ишлар вазирлиги,   Миллий гвардияси,   Божхона қўмитаси,   Ёзувчилар уюшмаси, Судьялар олий кенгаши   ҳузуридаги   Судьялар   олий   мактаби,   Тошкент   давлат юридик университети, Жамоат хавфсизлиги университети ҳамда Тошкент вилояти суди вакиллари иштирок этди.

Тадбир давомида ҳуқуқ-тартибот идораларида маънавий-ахлоқий қадриятларни мустаҳкамлашнинг долзарб масалалари, Амир Темур замонида давлат хизматчиларининг маънавий қиёфаси, Буюк туркий саркардалар сиймосида ватанпарварлик ва адолат тамойиллари ҳамда бошқа бир қатор қизиқарли мавзулар юзасидан маълумотлар берилди.

Шунингдек, тадбирда Бош прокуратура ҳамда Республика Маънавият ва маърифат маркази ўртасида Ҳамкорлик Меморандуми имзоланди.

Мазкур илмий-амалий конференция ходимларнинг сиёсий онги, маънавий ва интеллектуал салоҳиятини юксалтиришига замин бўлади.