Тергов тармоқлари ходимлари учун ташкил этилган ўқув курси якунланди

Ҳуқуқни муҳофаза қилиш академияси томонидан Бош прокуратура ҳамда АҚШ Федерал тергов бюроси билан ҳамкорликда  ҳуқуқни муҳофаза қилиш органларининг тергов тармоқлари ходимлари учун ташкил этилган “Портлашдан кейинги тергов ҳаракатлари” ўқув курси якунланди.

Шу муносабат билан Бош прокуратурада ўтказилган тадбир доирасида курс якунлари сарҳисоб қилиниб, тингловчиларга сертификатлар топширилди.

Тадбирда Бош прокуратура, Ҳуқуқни муҳофаза қилиш академияси вакиллари, АҚШ Федерал тергов бюроси мутахассислари, прокуратура, ички ишлар органлари, Давлат хавфсизлик хизмати тергов тармоқлари ходимларидан иборат ўқув курси тингловчилари иштирок этишди.

Курс тингловичлари ўқув дала машғулотлари шароитида тергов усуллари ва тактикаларини қўллаган ҳолда амалий машғулотлар ўтказиш имконини берган курс дастурининг мазмуни ва ташкилий даражасини юқори баҳолаб, АҚШ Федерал тергов бюроси мутахассислари томонидан берилган билим ва тажриба учун миннатдорчилик билдирдилар. Келгусида бундай тадбирлар ҳуқуқни муҳофаза қилиш органлари фаолият самарадорилигини янада оширишга хизмат қилиши тадбир иштирокчилари томонидан алоҳида таъкидлашди.

Тадбир сўнгида ўқув курси иштирокчиларига сертификатлар топширилди.