Кибергигиенанинг концептуал асосларига бағишланган маҳорат дарси

Ҳуқуқни муҳофаза қилиш академиясида анъанавий “Фан соати” доирасида ю.ф.д, профессор С.С.Гулямов томонидан “Ҳуқуқни муҳофаза қилиш органларида кибергигиенанинг концептуал асослари” мақоласи мисолида илмий тадқиқотлар ўтказиш ва индексланган Scopus журналларида нашр этиш методологиясига бўйича маҳорат дарси ўтказилди.

Онлайн шаклда ташкил этилган ушбу тадбирда Академия, ТДЮУ, Жамоат хавфсизлиги университети, Инсон ҳуқуқлари миллий маркази, Судьялар олий мактаби, ИИВ Академияси ҳамда Давлат ва ҳуқуқ институтининг докторантлари, мустақил изланувчилари ва магистратура тингловчилари қатнашди.

Маҳорат дарси доирасида илмий мақолаларга қўйилаётган замонавий талаблар ва уларни расмийлаштириш тартиблари, бу борада ахборот технологиялари соҳасидаги ютуқлардан унумли фойдаланишга оид янгиликлар бўйича батафсил маълумотлар берилди. Киберҳуқуқ бўйича янги ихтисослик очиш режалаштирилаётганлиги иштирокчиларда алоҳида қизиқиш уйғотди.

Тадбир баҳс-мунозараларга бой тарзда ўтиб, иштирокчилар ўзларининг қизиқтирган саволларига жавоб олдилар.