МИБда суриштирувни ташкил этиш масалалари бўйича Академияда малака ошириш курси ўтказилмоқда

Ҳуқуқни муҳофаза қилиш академиясида Мажбурий ижро бюроси суриштирувчилари иштирокида “Мажбурий ижро бюроси органларида суриштирувни ташкил этиш” мавзусида аралаш шаклда малака ошириш курси ташкил этилди.

Малака ошириш курси дастури суриштирув ўтказишнинг умумий қоидалари, суриштирув жараёнида далилларни тўплаш, текшириш, расмийлаштириш ва баҳолаш, суриштирув жараёнида айрим тергов ҳаракатларини ўтказиш ва жиноятларни малакалаш билан боғлиқ муаммолар ва уларни ечимлари, криминалистик техникаси ва тактикалар, суд экспертизаси, тезкор-қидирув фаолияти натижаларидан жиноят процессида фойдаланишни ташкил этиш, шунингдек тизимли таҳлил ҳамда тергов фаолияти психологиясига оид суриштирувчиларнинг касбий билим ва кўникмаларини оширишга қаратилган.