Омон Матжон таваллудининг 80 йиллигига бағишланган анжуманда иштирок этилди

Ўзбекистон Ёзувчилар уюшмасида Ўзбекистон халқ шоири Омон Матжон таваллудининг 80 йиллигига бағишланган адабий-маърифий анжуман ўтказилди.

Мазкур тадбирда Ўзбекистон Республикаси Бош прокуратураси кадрлар бошқармаси бошлиғининг маънавий-маърифий ишлар бўйича ўринбосари О.Султонов, Ҳуқуқни муҳофаза қилиш академияси бошлиғи ўринбосари М.Мамасиддиқов, Ўртачирчиқ тумани прокурорининг катта ёрдамчиси Р.Юсупова, Ҳазорасп тумани прокурорининг катта ёрдамчиси М.Каримова иштирок этди.

Тадбирда атоқли шоир ҳаёти ва ижодига бағишланган фильм намойиш этилди, шунингдек таниқли шоир ижодидан намуналар ўқиб берилди.

Шунингдек, тадбирда Ўзбекистон прокуратурасининг 30 йиллиги муносабати билан тизим ходимлари томонидан тайёрланган шеърий тўплам ҳамда ушбу шеърларга басталанган қўшиқлар тўплами Ўзбекистон Республикаси Бош прокурори номидан Ёзувчилар уюшмаси раиси, халқ шоири Сирожиддин Саййидга тантанали равишда топширилди.