“Ўзбекистон Республикасида ҳарбий-ватанпарварлик тарбияси” мавзусидаги маҳорат дарси

Ҳуқуқни муҳофаза қилиш академияси ҳарбий ва жисмоний тайёргарлик кафедраси томонидан “Ватан таянчи” болалар ва ўсмирлар ҳарбий-ватанпарварлик ҳаракати ва Ўзбекистон Республикаси мудофаасига кўмаклашувчи “Ватанпарвар” ташкилоти билан ҳамкорликда Академиянинг 1-курс талабалари учун “Ҳарбий-ватанпарварлик тайёргарлиги” модули доирасида “Ўзбекистон Республикасида ҳарбий-ватанпарварлик тарбияси” мавзусида маҳорат дарси ўтказилди.

Тадбир давомида меҳмонлар – ушбу соҳа мутахассислари томонидан Ватанга муҳаббат ва ўз юрти билан фахрланиш туйғуларини шакллантириш ҳамда ватанпарварлик ва фаол фуқаролик позициясини ривожлантириш мақсадида ҳарбий хизматчилар (ходимлар) ҳамда мамлакатимиз аҳолиси, айниқса, ёшлар билан ҳарбий-ватанпарварлик ишларини олиб боришнинг мақсади, вазифалари, усуллари, механизмлари ва тартиби атрофлича ёритилди.

Маҳорат дарси сўнгида талабалар ўзларини қизиқтирган саволларга атрофлича жавоб олдилар.