Миллий банк ёш ходимлари учун коррупцияга қарши курашиш мавзусида семинар ўтказилди

Академия томонидан “Ўзбекистон Республикаси Ташқи иқтисодий фаолият миллий банки” АЖда ёш ходимлар учун коррупцияга қарши курашиш мавзусида семинар ташкил этилди ва ўтказилди.

Аралаш тарзда ўтказилган семинарда Миллий банк раҳбарияти, Бош офиси ва барча ҳудудий бошқармаларининг ишга янги қабул қилинган жами 430 нафарга яқин ёш ходимлари иштирок этди.

Тадбир Академиянинг Коррупцияга қарши курашиш илмий-таълим маркази бошлиғи Х.Турсунбеков томонидан олиб борилди.

Семинар давомида ёш ходимларга мамлакатимизда амалга оширилаётган коррупцияга қарши давлат сиёсати, ушбу соҳада қабул қилинаётган қонунчилик мазмун-моҳияти ва аҳамияти, коррупцияга оид ҳуқуқбузарликлар учун жавобгарлик чоралари ҳамда халқаро стандартлар ва хорижий тажрибага асосан жорий этилаётган янги механизмлар хусусида атрофлича маълумот олдилар.

Тадбир якунида иштирокичлар ўзларини қизиқтирган саволларига батафсил жавоб олишди.