Солиқ қонунчилигининг айрим масалалари бўйича масофавий малака ошириш курси ташкил этилди

Ҳуқуқни муҳофаза қилиш академиясида прокуратура органларининг маъмурий суд ишларини юритишда прокурор ваколатини таъминлаш тармоғи ходимлари учун “Солиқ қонунчилигининг айрим масалалари” мавзусида қисқа муддатли масофавий малака ошириш курси ташкил этилди.

Мазкур ўқув курси маъмурий суд ишларини юритишда прокурор ваколатини таъминлаш тармоғи ходимлари фаолиятини самарали ташкил этиш, солиққа оид қонунчиликнинг бузилишига нисбатан таъсирчан чора-тадбирлар кўриш, муаммолар ва низоли вазиятларни ҳал этиш, қонуний қарорлар қабул қилиш ва бошқа долзарб масалаларга оид касбий компентенциялари ва бошқарув кўникмаларини шакллантириш ҳамда ривожлантиришга йўналтирилган.

Курс жараёнида солиқ хизмати органлари  билан ўзаро ҳамкорлик, солиқ тўловчилар мурожаатлари билан ишлаш масалаларига алоҳида эътибор қаратилади.