Профессор-ўқитувчиларнинг педагогик маҳоратини ошириш бўйича навбатдаги семинар-тренинг

Ҳуқуқни муҳофаза қилиш академияси томонидан профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш борасида тизимли ишлар олиб борилмоқда.

Мазкур йўналишда Академияда навбатдаги семинар-тренинг Тошкент давлат юридик университетининг трансформация бўлими бошлиғи, ю.ф.ф.д. Б.Қосимов иштирокида “Юридик кадрлар тайёрлашда интерактив таълим методларини қўллаш масалалари” мавзусида ташкил этилди.

Семинар-тренингда олий таълим муассасаларида танқидий ва креатив фикрлаш, тизимли таҳлил қилиш, қарор қабул қилиш кўникмаларига эга бўлган юқори малакали юридик кадрларни тайёрлашда интерактив таълим методларини қўллашнинг аҳамияти ва долзарблиги, интерактив методларининг турлари, мазмун-моҳияти ҳамда ўқув жараёнида қўллаш методикаси ҳақида интерактив маъруза қилинди. Тадбирда “Think-Pair-Share”, “Each one - Teach one”, “Give one - Get one” каби интерактив таълим методларини қўллаш юзасидан амалий тавсиялар берилиб, қатнашчилар иштирокида амалий машқлар бажарилди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоб берилди.