ИИОда терговни ташкил этиш масалалари бўйича Академияда малака ошириш курси ўтказилмоқда

Ҳуқуқни муҳофаза қилиш академиясида ички ишлар органлари терговчилари учун “Ички ишлар органларида терговни ташкил этиш” мавзусида аралаш шаклда малака ошириш курси ташкил этилди.

Малака ошириш курси дастури суриштирув ва дастлабки тергов ўтказишнинг умумий қоидалари, тергов жараёнида далилларни тўплаш, текшириш, расмийлаштириш ва баҳолаш, тергов жараёнида айрим тергов ҳаракатларини ўтказиш ва жиноятларни малакалаш билан боғлиқ муаммолар ва уларнинг ечимлари, криминалистик техникаси ва тактикалар, суд экспертизаси, тезкор-қидирув фаолияти натижаларидан жиноят процессида фойдаланишни ташкил этиш масалаларини қамраб олган.

Шунингдек ўқув машғулотлари жараёнида тизимли таҳлил ҳамда тергов фаолияти психологиясига оид терговчиларнинг касбий билим ва кўникмаларини оширишга алоҳида эътибор қаратилган.