Академия бакалавриати ва магистратурасига табақалаштирилган тўлов-контракт асосида ўқишга қабул қилиш муддати узайтирилди

Магистратурасининг қуйидаги мутахассисликларига танловда иштирок этган номзодлар табақалаштирилган тўлов-контракт асосида ўқишга қабул қилиниши маълум қилинади.

Ташқи номзодлар – “Прокурорлик фаолияти”,  “Коррупцияга қарши курашиш” ва “Инсон ҳуқуқларига оид халқаро ҳуқуқ” мутахассисликлари бўйича;

Ички номзодлар – “Прокурорлик фаолияти” (сиртқи) мутахассислиги бўйича.

Табақалаштирилган тўлов-контракт асосида ўқиш учун Академия қабул комиссиясига жорий йилнинг 9 октябрь кунига қадар Академиянинг info@proacademy.uz электрон почтасига ташқи номзодлар ариза, ички номзодлар эса ўз аризасига бевосита раҳбарининг тавсияномасини илова қилган ҳолда юбориши мумкин экани маълум қилинади.

Барча номзодлар учун ариза намунаси.

Ички номзодлар учун бевосита раҳбарининг тавсияномаси намунаси.

Шунингдек, Академия бакалавриатининг 2023/2024 ўқув йилида давлат грантлари ва тўлов-контракт асосида талабаликка тавсия этиш чизиғи чегарасигача етарли балл тўплай олмаган абитуриентларни табақалаштирилган тўлов-контракт асосида ўқишга қабул қилиш муддати ҳам 9 октябрга қадар узайтирилди.