Қайта касбий таълим масалаларига бағишланган халқаро илмий-амалий семинарда иштирок этилди

Ўзбекистон Республикаси Ҳуқуқни муҳофаза қилиш академияси вакиллари видеоконференцалоқа воситасида “Идоравий қайта касбий таълим: муаммо ва истиқболлар” мавзусига бағишланган II Йиллик халқаро семинарда иштирок этишди.

Тадбир Россия Федерацияси Тергов қўмитаси Санкт-Петурбург академияси томонидан ташкил қилиниб, Беларусь Республикаси Тергов қўмитаси малака ошириш ва қайта тайёрлаш интститути ҳамда Россия Федерацияси Тергов қўмитаси Москва академияси билан ҳамкорликда ўтказилди.

Тадбирда Ўзбекистон Республикаси Ҳуқуқни муҳофаза қилиш академияси бошлиғининг биринчи ўринбосари Е.В.Коленко кириш сўзи билан иштирок этиб, Академияда бугунги кунда олиб борилаётган ислоҳатлар, қайта таълимнинг асосий йўналишлари, ўқув жараёни ташкил этилиши, прокуратура ва тергов органлари ходимларини қайта тайёрлаш ва малакасини ошириш дастурларидаги янги ёндошув ва таълим технологиялари тўғрисида маълумот тақдим этди.

Семинар якунида иштирокчилар қайта касбий таълимнинг долзарб масалалари бўйича фикр алмашишиб, ўтказилган тадбирнинг бугунги кундаги амалий аҳамиятини эътироф этишди.