Академиянинг маънавий-маърифий тадбирлари

Академия томонидан талабаларнинг маънавий дунёқарашини юксалтиришга қаратилган туркум тадбирлар ўтказилмоқда. Мазкур фаолият доирасида 2023 йил 5 октябрь куни “Ўзбекистон Республикасида ёшларнинг конституциявий-ҳуқуқий мақоми” мавзусида Бош прокуратура вакиллари билан учрашув ўтказилди.

Учрашувда Бош прокуратура Кадрлар бошқармаси бошлиғи ўринбосари О.Султонов, Академия бошлиғи ўринбосари ю.ф.д., проф. М.Мамасиддиқов ҳамда Академия талабалари иштирок этдилар.

Ёшлар учун яратилган кенг имконият ва шароитлар, шунингдек жиноятларни тергов қилиш соҳасида махсус малакали кадрларни тайёрлаш борасида амалга оширилиб келинаётган ислоҳотлар муҳокама қилинди.

Шунингдек, 2023 йил 10 октябрь куни талабаларининг прокуратура органлари фахрийлари билан учрашуви ўтказилди.

Учрашувда Ўзбекистон Республикаси прокуратураси органлари фахрийлари кенгаши раиси Ботир Хамзаевич Калонов иштирок этиб, прокуратура органларида фаолияти ва касбий тажрибалари, прокуратура органлари ходимининг касбий фазилатлари, жамиятда қонунийликни таъминлашда прокуратура органлари ходимларининг роли ҳақида батафсил тушунча берди.

Талабалар Ботир Хамзаевичга саволлар билан мурожаат қилиб, прокуратура органлари ходимларига қўйилган талаблар, иш фаолиятдаги устувор йўналишлар, шахсий ва касбий фазилатлар борасида зарур маълумотлар олдилар.

Бакалавриат факультети маънавий-маърифий тадбирлар, учрашув ва давра суҳбатлари ташкиллаштириш давом этмоқда.

Ушбу йўналишдаги ишлар бутун ўқув йилида давом этади.