Коррупцияга қарши курашиш мавзусида сайёр ўқув машғулоти ташкил этилди

Академиянинг “Коррупцияга қарши курашиш” магистратура мутахассислиги тингловчилари учун “Ўзбекнефтегаз” АЖда сайёр тарздаги амалий машғулот ташкил этилди.

Ўқув машғулоти “Давлат органлари ва бошқа ташкилотларда коррупцияга қарши ҳалоллик (комплаенс-назорат) тизимини жорий этиш” ўқув модули доирасида ўтказилиб, ундан мақсад тингловчиларнинг назарий билимларини янада мустаҳамлашдан иборат.

Машғулотда “Ўзбекнефтегаз” АЖ молиявий ва комплаенс назорати департаменти раҳбарияти ва ходимлари маърузалар билан чиқиш қилишда.

Хусусан, акциядорлик жамиятида коррупцияга қарши комплаенс тизими жорий этилиши натижасидаги ижобий ютуқлар, тизимда коррупциявий хавф-хатарларни аниқлаш, давлат харидларида коррупциянинг олдини олиш, манфаатлар тўқнашувини бартараф этишнинг барча босқичлари автоматлаштирилганлиги ва бошқа ижобий жиҳатларни қайд этилди.

Амалий машғулот якунида тингловчилар ўзларини қизиқтирган саволларига батафсил жавоб олишди.