Олий таълимдан кейинги таълим институтига ҳужжат қабул қилиш муддати узайтирилди

Ўзбекистон Республикаси Вазирлар Маҳкамасининг тегишли топшириғи билан 2024 йил учун олий таълимдан кейинги таълим институтига ҳужжат қабул қилиш муддати жорий йил 10 ноябрга қадар, кириш имтиҳонларини ташкил этиш эса 30 ноябрга қадар узайтирилди.

Шу муносабат билан Ўзбекистон Республикаси Ҳуқуқни муҳофаза қилиш академиясида олий таълимдан кейинги таълим шаклида илмий тадқиқот олиб бориш истагидаги талабгорлар 2023 йил 10 ноябрга қадар http://phd.mininnovation.uz веб-сайти орқали рўйхатдан ўтгач, Академиянинг Илмий-инновацион тадқиқотларни мувофиқлаштириш ва илмий ходимларни тайёрлаш марказига барча зарурий ҳужжатларни ўрнатилган тартибда тақдим этишлари талаб этилади.