Сайёр ўқув машғулоти ўтказилди

Ҳуқуқни муҳофаза қилиш академиясининг Криминалистика ва суд экспертизалари кафедраси томонидан магистратура босқичининг “Тергов фаолияти” йўналишида ўқиётган тингловчилар учун жиноятларни тергов қилиш методикаси ўқув курси доирасида Тошкент шаҳар ИИББда сайёр ўқув машғулоти ўтказилди.

Мазкур ўқув машғулоти давомида Тошкент шаҳар ИИББ Тергов бошқармаси раҳбарияти томонидан босқинчилик, ўғирлик ва талончилик жиноятлари бўйича мастер-класс машғулотлари ўтказилиб, бу турдаги жиноятлар юзасидан терговга қадар текширув ва тергов ҳаракатлари, исботлаш билан боғлиқ масалалар, ҳозирда амалиётда учраётган муаммоли ҳолатлар, ходимлар томонидан йўл қўйилаётган хато ва камчиликлар муҳокама қилиниб, уларни ечими бўйича таклифлар берилди.

Шунингдек, Тергов бошқармаси ходимлари томонидан магистрларга бошқарма фаолияти, тергов олиб борилаётган жиноят турлари, Тошкент шаҳар ИИББ музейи фаолияти билан яқиндан таништирдилар. Сайёр ўқув машғулоти иштирокчиларда катта таассурот қолдирди ва ўзларини қизиқтирган саволларига атрофлича жавоб олдилар.

Тадбир якунида Академия ва Тошкент шаҳар ИИББ ўртасида ўзаро яқин ҳамкорлик давом этиши ҳамда бу каби тадбирларни мунтазам равишда ўтказиб борилишига келишиб олинди.