Академияда навбатдаги китоб ярмаркаси ташкил этилди

Китобнинг инсон камолотидаги ўрни беқиёс. Шахс комолотининг турли босқичларида ўқилган бадиий адабиёт дурдоналари ўқувчининг ички дунёсини бойитиб, ўчмас из қолдиради.

Академияда талаба ва тингловчиларнинг бадиий китоблар мутолаасига қизиқишларини ошириш бўйича тизимли ишлар амалга оширилиб келинмоқда, бу эса уларнинг дунёқарашини кенгайтиришга, натижада ўқув модулларини муваффақиятли ўзлаштиришларига хизмат қилмоқда.

Академияда навбатдаги китоб ярмаркаси “Юридик адабиётлар” нашриёт-матбаа ижодий уйи билан ҳамкорликда ташкил этилди.

Ярмаркада Академия талабалари, докторантлар ҳамда профессор-ўқитувчилари иштирок этиб, бадиий адабиётларни катта қизиқиш билан харид қилдилар. Тарихий, детектив ҳамда психологик мазмундаги китоблар ярмаркага ташриф буюрганлар томонидан алоҳида қизиқиш билан қабул қилинди.