Олий таълим муассасалари талабалари учун коррупцияга қарши курашиш масалалари бўйича семинар ўтказилди

Академия мутахассислари Коррупцияга қарши курашиш агентлиги томонидан олий таълим муассасалари талабалари учун амалга оширилаётган YouthLed лойиҳаси доирасида ташкил этилган туркум семинарларни ўтказишга жалб қилинган.

Хусусан, навбатдаги онлайн семинар Академиянинг Коррупцияга қарши курашиш илмий-таълим маркази бошлиғи Х.Турсунбеков томонидан республика олий таълим муассасалари талабалари учун “Олий таълим жараёнидаги коррупциявий ҳуқуқбузарликлар учун жавобгарлик масалалари” мавзусида ташкил этилди.

Семинар давомида талабалар олий таълим соҳасидаги коррупциявий ҳолатларни ўргандилар, сўнгги йилларда талабалар, профессор-ўқитувчилар ва бошқа мансабдор шахслар томонидан содир этилган коррупциявий жиноятларнинг статистик маълумотлари ва аниқ мисоллари билан танишдилар.

Шунингдек, семинар давомида келгусида бундай ҳуқуқбузарликларнинг олдини олиш юзасидан тегишли таклиф ва тавсиялар ишлаб чиқилди.