Иордания Ҳошимийлар Қироллигига ўқув-танишув сафари амалга оширилди

Ҳуқуқни муҳофаза қилиш академияси вакили жорий йилнинг май-сентябрь ойлари давомида Немис халқ университетлари ассоциациасининг Ўзбекистондаги филиали (DVV) ва Германия халқаро жамияти (GIZ) томонидан “Маркази Осиёда экстремизмни олдини олиш” лойиҳа доирасида ташкил этилган тренингларда иштирок этди.

Беш босқичдан иборат мазкур тренинг якуни бўйича Иордания Ҳошимийлар Қироллигига ўқув-танишув сафари амалга оширилди.

Ташриф доирасида иштирокчилар зўравон экстремизм ва радикаллашувни олдини олиш борасидаги Қироллик миллий мудофаа коллежи, фуқаролик жамияти ташкилотлари ҳамда ҳуқуқни мухофаза қилувчи органлар фаолияти билан танишди.

Ташриф давомида Иордания Ҳошимийлар Қироллигида фаолият юритаётган “DVV International”, “RASED”, “We Rise” ва “Oman” ННТларнинг радикаллашувни олдини олиш, шунингдек, реинтеграция ва ижтимойлашув соҳасидаги тажрибаси ўрганилди.