Қозоғистон Республикаси Президенти ҳузуридаги Давлат бошқарув Академияси ректори билан учрашув

2023 йил 25 октябрь куни Ҳуқуқни муҳофаза қилиш академиясида Академия раҳбариятининг Қозоғистон Республикаси Президенти ҳузуридаги Давлат бошқарув Академияси ректори Е.К.Абил билан учрашуви бўлиб ўтди.

Учрашув давомида ўқув жараёнини ташкил этиш, ходимларнинг ўзаро тажриба алмашиш механизмларини ривожлантириш, лойиҳа бошқарувини жорий этиш ва ривожлантириш, таълим муассасаларида коррупцияга қарши курашиш соҳасида ҳуқуқий таълим ва тарбия бўйича тажриба алмашиш, ходимлар ва тингловчиларнинг стажировкасини ташкил этиш масалалари муҳокама қилинди.

Томонлар илмий-таълим муассасалари ўртасидаги англашув ва ҳамкорлик Меморандуми доирасида ўзаро фойдали муносабатларни янада ривожлантиришга тайёр эканликларини билдирдилар.