Бола ҳуқуқлари бўйича малака ошириш курси

Ҳуқуқни муҳофаза қилиш академияси томонидан туман (шаҳар) прокурор ёрдамчилари учун “Бола ҳуқуқлари” модули доирасида масофавий малака ошириш курси ташкил этилди.

Курс дастури UNICEF халқаро эксперти кўмагида ишлаб чиқилган ва амалга оширилди.

Малака ошириш курси тингловчиларда вояга етмаган жиноят жабрланувчилари ва гувоҳларига нисбатан халқаро стандартлар ва илғор тажрибаларга мувофиқ ишларни олиб боришда амалий кўникмаларни ривожлантиришга йўналтирилган.

Бунда интеллектуал ривожланиши суст ва нейропсихиатрик нуқсонларга эга бўлган болаларга мўлжалланган алоҳида ишлаш механизмига оид назарий билимлар, амалий кўникмаларни шакллантиришга алоҳида эътибор қаратилган.