“Минтақавий мулоқот” ХННТ билан келгуси ҳамкорлик масалалари муҳокама қилинди

Ўзбекистон Республикаси Ҳуқуқни муҳофаза қилиш академиясида Академия раҳбариятининг “Минтақавий мулоқот” ХННТ таъсисчиси ва ижрочи директори Катя Гершак бошчилигидаги делегация билан учрашув ўтказилди.

Конструктив мулоқот чоғида томонлар ўзаро манфаатли ҳамкорликнинг истиқболли йўналишларини муҳокама қилишди.

Шунингдек, ташриф давомида меҳмонлар Академия фаолиятининг асосий йўналишлари, ўқув жараёнлари, унинг инфратузилмаси, шу жумладан криминалистик полигон, киберлаборатория, воқеа жойини кўздан кечириш ва суд жараёни имитациясини амалга ошириш хоналари билан яқиндан танишдилар.