Профессор-ўқитувчиларнинг педагогик маҳоратини ошириш бўйича навбатдаги семинар-тренинг

Ҳуқуқни муҳофаза қилиш академияси профессор-ўқитувчиларининг педагогик маҳоратини ошириш, таълим жараёнига инновацион технологиялар ва методикаларни жорий этиш борасидаги тизимли ишлар доирасида Академияда Фан ва технологиялар университети (University of science and technologies) Ёшлар билан ишлаш,  маънавият ва маърифат бўлими бошлиғи М.Х.Тошбекова томонидан “Педагогик мулоқотчанликни шакллантириш ва аудиторияни бошқаришда интерфаол таълим методларининг аҳамияти” мавзусида навбатдаги семинар-тренинг ташкил этилди.

Семинар-тренингда олий таълим муассасаларида юқори малакали кадрлар тайёрлашда ўқув машғулотларида талабалар фаол иштирокини таъминлашда профессор-ўқитувчиларнинг педагогик мулоқотчанлигининг аҳамияти ҳамда уни ривожлантириш усуллари ҳақида батафсил маълумот берилди. Шунингдек, аудиторияни бошқаришда интерфаол таълим методларининг ўрни, уларнинг турлари, таснифланиши, ўзига хос хусусиятлари ҳамда уларни дарс жараёнида қўллаш методикаси каби масалалар хусусида қисқача маъруза ва амалий машғулотлар ташкил этилди.

Шунингдек, тренер  томонидан интерфаол таълим методларини қўллаш юзасидан амалий тавсиялар берилди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоб берилди.