Мажбурий ижро бюроси органлари тезкор ходимлари учун ташкиллаштирилган навбатдаги ўқув курси якунланди

2018 йил 16 августда Бош прокуратура Академиясида навбатдаги ўқув курсининг якунланишига бағишланган тадбир ташкиллаштирилди.

"Мажбурий ижро бюроси тезкор бўлинмалари томонидан истеъмолчиларнинг тўлов интизомига риоя этишлари устидан назорат фаолиятининг самарадорлигини ошириш" мавзусидаги ўқув курси Бош прокуратура ҳузуридаги Мажбурий ижро бюроси органлари тезкор ходимлари учун ташкиллаштирилган эди.

Тадбирда Бош прокуратура Академияси ҳамда Мажбурий ижро бюросининг раҳбарияти қатнашди.

Тадбир мобайнида ўкув курсининг мажбурий ижро фаолиятидаги аҳамиятига доир масалаларга тўхталиб ўтилди.

Тингловчилар тадбирда сўзга чиқиб, ўқув машғулотлари жараёнида Академиянинг профессор-ўқитувчилари ҳамда Мажбурий ижро бюросининг тажрибали ходимларидан хизмат фаолияти учун керакли билим ва кўникмаларни олганликларини таъкидлаб ўтдилар.

Курсни муваффақиятли тамомлаганликлари ҳақидаги шаҳодатнома тингловчиларга тантанали равишда тақдим этилди.