Ўзбекистон Республикаси Ҳуқуқни муҳофаза қилиш академияси энергетика соҳасида мутахассис вазифасига танлов эълон қилади (муддатли шартнома асосида вақтинчалик иш)

Академия ҳақида: Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сонли Фармонига асосан Бош прокуратура Академияси негизида Ўзбекистон Республикаси Ҳуқуқни муҳофаза қилиш академиясини ташкил этилди.

Ҳозирги вақтда Академия фаолиятига вақтинчалик асосда энергетика соҳасидаги мутахассисни жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Номзодга қўйиладиган талаблар:

- олий (махсус) маълумот ва энергетика соҳасида камида икки йиллик иш тажрибаси;

- қурилиш, реконструкция, капитал ва жорий таъмирлаш тажрибасига эга бўлиш;

- техникавий ҳужжатларни ишлаб чиқиш ҳамда расмийлаштиришга оид низомлар, йўриқномалар ва бошқа раҳбарий ҳужжатларни билиш;

- Академияни энергия билан таъминлашни ташкил этиш, энергиядан фойдаланувчи қурилмаларнинг ишлаб чиқариш қувватлари, техник тавсифи ва иш режимлари, уларни ишлатиш қоидаларини билиш;

- энергия билан таъминлаш хусусида бошқа ташкилотлар билан шартномалар тузиш тартибини билиш;

- меҳнат қонунчилиги асослари, меҳнатни муҳофаза қилиш, техника хавфсизлиги, ишлаб чиқариш санитарияси ҳамда ёнғинга қарши ҳимоя қоидалари ва меъёрлари билиши.

- ўзбек ва рус тилларини яхши билиш.

Бажариладиган иш муддати:

Мазкур иш муддати 2 (икки) ойга белгиланган бўлиб, келгусида заруратга кўра, фуқаро муддатли меҳнат шартномаси асосида Академияга ишга қабул қилиниши мумкин.

Тўлов миқдори:

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш,

Иш вақти: Иш вақти 40 соатлик, ҳафтасига 5 кунлик иш режимини ташкил этади.

Талабгор Академия Ишлар бошқаруви бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати 11.11.2023 йилга қадар.