“Миллий қадриятлар куни” ўтказилмоқда

Ўзбекистон Республикаси Президентининг 2023 йил 28 февралдаги ПФ–27-сонли Фармони билан тасдиқланган “2022-2026 йилларга мўлжалланган Янги Ўзбекистон тараққиёт стратегиясининг “Инсонга эътибор ва сифатли таълим йили”да амалга оширишга оид давлат дастури ижросини таъминлаш мақсадида Ҳуқуқни муҳофаза қилиш академиясида “Миллий қадриятлар куни” ўтказилмоқда.

Тадбир доирасида Академия талабаларининг Ўзбекистон амалий санъати музейига ташрифи ташкиллаштирилди. Ташриф давомида талабаларга миллий қадриятлар ривожида санъатнинг роли ҳамда ўзбек миллий маданияти ва санъатининг тутган ўрни ҳақида батафсил маълумот берилди.

Шунингдек, Академия талабалари қатағонларни хотирлаш ва эъзозлаш, аждодларимизнинг порлоқ хотирасини тиклаш борасида амалга оширилган ишларни кўриш мақсадида қатағон қурбонлари хотираси давлат музейига ҳам ташриф буюришди.