"Ноқонуний молиявий оқимларни ўлчаш" мавзусидаги вебинарда иштирок этилди

Жорий йилнинг 7 ноябрь куни Академия томонидан БМТ Осиё ва Тинч океани учун иқтисодий ва ижтимоий комиссияси (ЭСКАТО) кўмагида ўтказилаётган тадбирлар доирасида ҳуқуқни муҳофаза қилувчи органлар ва молия ташкилотлари вакиллари учун навбатдаги вебинар ташкил этилди.

Ушбу тадбирда ЭСКАТО экспертлари, Барқарор ривожланиш мақсадларининг 16.4.1 кўрсаткичини шакллантириш учун масъул бўлган Академия, Божхона қўмитаси, Статистика агентлиги, Иқтисодий жиноятларга қарши курашиш департаменти вакиллари иштирок этдилар.

Вебинарда ноқонуний молиявий оқимларни баҳолашнинг халқаро миқёсда қабул қилинган усулларини ўзлаштириш ва миллий даражада мақбул усулни аниқлаш мақсадида ноқонуний молиявий оқимларни ўлчаш ва олдини олиш масалалари муҳокама қилинди.

Тадбир якунларига кўра, ЭСКАТОнинг Ўзбекистон Республикасидаги 2023 йил 14-17 ноябрга мўлжалланган миссияси доирасида тижорат фаолиятидан ноқонуний молиявий оқимларни чеклаш ва солиққа тортиш сиёсати бўйича лойиҳасига таклифларни муҳокама қилиш бўйича йиғилиш ва ўқув семинарларида иштирок этиш зарур бўлган миллий органлар ва идоралар аниқланди.