Прокуратура ходимлари учун малака ошириш курси ўтказилди

Ҳуқуқни муҳофаза қилиш академиясида туман (шаҳар) ва уларга тенглаштирилган прокурорларнинг  ёрдамчилари учун “Судларда маъмурий, фуқаролик ва иқтисодий ишлар кўрилишида мулк ҳуқуқи дахлсизлигини таъминлаш масалалари”  мавзусида малака ошириш курси ўтказилди.

Ўқув машғулотлари масофавий ва анъанавий шаклда бўлиб, дарс жараёнларининг тўққиз хафтаси ишдан ажралмаган ҳолда онлайн тарзда, қолган бир ҳафтаси ишдан ажралган ҳолда анъанавий тарзда ўтказилди.

Бунда тингловчилар маъмурий, фуқаролик ва иқтисодий судларда қонунчилик талабларига риоя этилиши, мазкур судларда мулк ҳуқуқи даҳлсизлигига оид ишларни кўришнинг ўзига хос хусусиятлари, бу борада прокурорлар зиммасига юклатилган вазифалар, прокурор томонидан тайёрланадиган процессуал ҳужжатларни асослантириш ҳақидаги билим ва кўникмаларга эга бўлишга қаратилган тегишли ўқув контенти асосида машғулотларда иштирок этдилар.

Тингловчиларнинг малака ошириш курси давомида ўзлаштирган билимлари синовдан ўтказилиб, натижалари бўйича сертификатлар топширилди.