“Криминалистика ва суд экспертизаси билимдони” мавзусида викторина ўтказилди

Ўзбекистон Республикаси Ҳуқуқни муҳофаза қилиш академиясида “Криминалистика ва суд экспертизаси билимдони” мавзусида викторина  ўтказилди.

Викторинада “Профессионал терговчилар” тўгараги, “Ёш криминалистлар” илмий мактаби аъзолари, Академия бакалавриатининг “Тергов фаолияти” мутахассислигида таҳсил олаётган талаба ёшлар иштирок этди.

Викторина уч босқичда ўтказилиб, уларнинг биринчиси – “Ашёвий далилларни қадоқлаш”, иккинчи босқич – “Расмдаги жумбоқни топинг”, учинчи босқич – “Ашёвий далилларни топиш” бўлиб, ҳар бир шарт мусобоқа тарзида ўтказилди.

Викторина якуни бўйича “Фемида” гуруҳи 1-ўрин, “Криминалист” гуруҳи 2-ўрин, “Эксперт” гуруҳи 3-ўринни қўлга киритди.

Тадбир сўнгида, викторинада фаол иштирок этган талаба ёшлар фахрий ёрлиқлар билан тақдирландилар.