Жаҳон ахборот ресурсларидан фойдаланиш бўйича семинар-тренинг ўтказилди

Академияда “Фан соати” доирасида "E-LINE PRESS" МЧЖ Таҳлилий ва илмий ахборот хизматлари маркази раҳбари Ф.Шодманова томонидан “Илмий фаолият учун Web of Science платформасининг асосий имкониятлари” мавзусида навбатдаги семинар-тренинг ўтказилди.

Семинар давомида иштирокчилар илмий журналлардаги нашрларнинг рефератив маълумотлар базалари ва патентлар, шу жумладан нашрларнинг ўзаро иқтибос келтиришларини ҳисобга оладиган маълумотлар базаларини бирлаштирувчи интернет-қидирув платформаси – Web of Science бўйича амалий билимлар олдилар.

Тадбир якунида иштирокчилар Ҳуқуқни муҳофаза қилиш академияси ходимларининг илмий салоҳиятини ошириш мақсадида тизимли равишда амалий семинарларни ташкил этишга келишиб олдилар.