Буюк Британия экспертининг Ҳуқуқни муҳофаза қилиш академиясига ташрифи

Буюк Британия Ички ишлар вазирлигининг уюшган жиноятчилик билан боғлиқ хавфларни баҳолаш бўйича маслаҳатчиси доктор С.Джесперсоннинг Ҳуқуқни муҳофаза қилиш академиясига ташрифи бўлиб ўтди.

Ташриф давомида С.Джесперсон Академия ўқув бинолари, жараёни, унинг ташкилий тармоқлари иш фаолияти билан таништирилди.

Академия раҳбарияти билан учрашувда тарфлар ҳуқуқни муҳофаза қилувчи органлар кадрларини тайёрлаш соҳасида тажриба алмашиш
ва ҳамкорликдаги илмий-таълим фаолиятини амалга ошириш масалаларини муҳокама қилишди.

Шунингдек, доктор С.Джесперсон иштирокида Академиянинг талабалари ва тингловчилари учун “Трансмиллий уюшган жиноятчиликка қарши курашиш, гиёҳвандлик воситаларини чегаралардан ноқонуний олиб ўтилиши билан боғлиқ жиноятлар мисолида” мавзусида маъруза ташкил қилинди.