Иқтидорли талабалар тақдирланди

Ҳар йили 17 ноябрь куни бутун дунёда Халқаро талабалар куни сифатида кенг нишонланиб келинмоқда.

Ушбу кун муносабати билан Ҳуқуқни муҳофаза қилиш академиясида тадбир ташкил этилди.

Тадбирда Академия ходимлари ҳамда бакалавриатнинг 2- ва 3-курси талабалари иштирок этишди. Тадбир доирасида ўқишда юқори натижаларга эришиб, намунали хулқи ва одоби билан талабалар орасида шахсий намуна бўлиб келаётган ҳамда талабалар ТОП–20 рейтингида мунтазам равишда юқори ўринларни эгаллаган бир гуруҳ талабалар Академия бошлиғининг Фахрий ёрлиғи билан тантанали равишда тақдирланди.

Шу билан бирга, ўқув жараёнини сифатли ва самарали ташкил этиш бўйича талабаларнинг фикр-мулоҳазалар эшитилиб, келгусида амалга оширилиши лозим бўлган вазифалар белгилаб олинди.