Жиноятчиликнинг олдини олиш масалалари юзасидан семинарлар давом этмоқда

Академия томонидан ҳуқуқбузарликлар профилактикаси ва жиноятчиликка қарши курашиш фаолиятини услубий ва консультатив таъминлаш бўйича олиб борилаётган ишлар доирасида мутасадди идоралар билан ҳамкорликда республика ҳудудларида туркум сайёр семинарлар ўтказилмоқда.

Бухоро вилоятининг Ромитан туманидаги маҳалла фуқаролар йиғинининг масъул ходимлари учун ҳуқуқбузарликлар профилактикасини ташкил этиш масалаларига бағишланган навбатдаги семинар бўлиб ўтди.

Семинар иштирокчилари жиноятчиликнинг, жумладан вояга етмаганлар ва ёшлар ўртасида содир этилаётган ҳуқуқбузарликларнинг олдини олишни самарали ташкил этиш масалалари билан яқиндан танишдилар.

Шунингдек, семинар доирасида амалиётда учрайдиган муаммолар, жумладан, идоралараро ҳамкорлик масалалари муҳокама қилинди ва уларни ҳал этиш юзасидан таклифлар ишлаб чиқилди.