Инсон ҳуқуқларини ҳимоя қилиш бўйича қисқа муддатли ўқув курси ўтказилди

Ҳуқуқни муҳофаза қилиш академиясида Инсон ҳуқуқлари бўйича Ўзбекистон Республикаси Миллий маркази билан ҳамкорликда Ўзбекистон Республикасининг инсон ҳуқуқлари соҳасидаги халқаро мажбуриятларини бажаришда иштирок этаётган давлат органлари ва ташкилотлар мутахассислари учун “Инсон ҳуқуқларига риоя этиш ва уни ҳимоя қилишнинг халқаро стандартлари: амалиёт ва ҳисобот” мавзусида қисқа муддатли ўқув курси ўтказилди.

Тадбир Академия бошлиғининг ўринбосари М.Мамасиддиқов томонидан кириш сўзи билан очиб берилиб, ташкил этилган курснинг аҳамияти ва долзарблигига алоҳида тўхталиб ўтилди.

Кафедра бошлиғи Х.Каримов иштирокчиларни Қийноқ ҳамда муомала ва жазолашнинг қаттиқ, шафқатсиз, инсонийликка зид ёки кадр-қимматни камситувчи турларига қарши конвенциянинг мазмун-моҳияти билан таништирди, кафедра бошлиғи А.Хикматов “Қийноқларнинг олдини олишга оид миллий превентив мехиназимлар: халқаро тажриба ва миллий амалиёт” мавзусида маъруза қилди ҳамда марказ бошлиғи Л.Исоқов иштирокчиларни мигрантлар ҳуқуқларини таъминлашда халқаро тажриба ва миллий амалиёт  билан таништирди.    

Тадбир якунида иштирокчилар ўзларини қизиқтирган саволларга батафсил жавоб олдилар.