“Яшил макон” умуммиллий лойиҳаси ижросида амалга оширилаётган ишлар

“Яшил макон” умуммиллий лойиҳаси доирасида юртимизда кузги дарахт экиш мавсумида кўкаламзорлаштириш ишлари жадал суратлар билан амалга оширилмоқда.

Мазкур жараёнда прокуратура органлари, шу жумладан Ҳуқуқни муҳофаза қилиш академияси ходимлари ҳам фаол иштирок этиб, яшил майдонларни кенгайтиришга ўзларининг муносиб ҳиссаларини қўшиб келмоқдалар.

2023 йил 24 ноябрь куни Ҳуқуқни муҳофаза қилиш академияси ходимлари томонидан “Яшил макон” умуммиллий лойиҳаси доирасида Академия ҳудудида  мевали ва манзарали дарахтлар экиш ишлари олиб борилди.

Дарахтлар ҳудуднинг иқлим шароитидан келиб чиқиб, боғлар ҳосил қилиш ва кўкаламзорлаштиришни назарда тутган ҳолда танлаб олинди. Экилган кўчатлар мунтазам равишда агротехник талаблар асосида парвариш қилиниб, минерал ва органик ўғитлар билан озиқлантирилади ва зараркунандалардан ҳимоя қилиб борилади.

Аҳамиятлиси, шу куни кўкаламзорлаштириш ишлари Академия яқинида жойлашган “Собиробод” МФЙ ҳудудида ҳам давом эттирилиб, ўнлаб мевали ва манзарали дарахт кўчатлари экилди.

Академия ходимлари томонидан мазкур дастур доирасидаги ишлар мунтазам амалга ошириб борилади.