Амалий маҳорат дарслари давом этмоқда

Ҳуқуқни муҳофаза қилиш академияси томонидан талабаларининг касбий тайёргарлиги бўйича билим, кўникма ва малакаларини шакллантириш ва ривожлантириш мақсадида амалий машғулотлар тизимли асосда ўтказилмоқда.

Навбатдаги амалий маҳорат дарси Ўзбекистон Республикаси Миллий гвардиясининг ҳарбий хизматчилари билан ҳамкорликда Академия бакалавриатининг 1-босқич талабаларига “Ҳарбий-ватанпарварлик тайёргарлиги” модули доирасида “Отиш тайёргарлиги” фани бўйича ўтказилди.

Машғулотлар мобайнида талабалар ўқув режа ва дастурларда белгиланган мавзулар доирасида бугунги кунда мамлакатамизнинг ҳуқуқни муҳофаза қилувчи органлари ва бўлинмаларида мавжуд Калашников автомати билан тўғридан-тўғри танишишга муяссар бўлдилар.

Мутахассислар талабаларга қуролларнинг тактик-техник хусусиятлари ва умумий тузилиши, унинг қисмлари ва механизмларининг вазифалари ҳамда шу каби бошқа масалаларни атрофлича тушунтириб бердилар.