Барқарор ривожланиш мақсадларини амалга ошириш ойлиги доирасида Олий Maжлис Сенатида ўтказилган конференцияда Ҳуқуқни муҳофаза қилиш Академияси вакилларининг иштироки (16-мақсад)

Ҳуқуқни муҳофаза қилиш академияси вакиллари Сенат ва Қонунчилик палатасининг тегишли қўмиталари томонидан ташкил этилган барқарор ривожланишда тинч ва очиқ жамиятга кўмаклашиш, ҳамда одил судловни таъминлаш ва самарали, ҳисобдор ва кенг иштирок этишга асосланган институтларни яратишга кўмаклашиш масаласидаги конференцияда иштирок этдилар.

Академия бошлиғининг ўринбосари, БРМни амалга ошириш бўйича самарали бошқарув гуруҳининг ижрочи котиби У.У.Нигмаджанов иштирокчиларга 16-мақсадга эришиш учун амалга оширилаётган ишлар ҳақида маълумот берди. Хусусан, мутасадди вазирлик ва идоралар фаолиятини мувофиқлаштириш, ходимларга кўрсаткичларни ўлчаш методологияси, шунингдек, амалга оширилаётган қўшма халқаро лойиҳалар бўйича ўқитиш чора-тадбирлари қайд этилди.  Ноқонуний молиявий оқимларни камайтириш нуқтаи назаридан 16.4-вазифаларни бажаришга алоҳида эътибор қаратилмоқда.

Муҳокамалар натижасида мамлакатимизда 16-мақсаддаги вазифаларига эришиш, шунингдек, ушбу вазифалар билан боғлиқ кўрсаткичларни ўлчаш ва доимий мониторинг қилишга қаратилган бир қатор тавсиялар ишлаб чиқилди.