АНОНС Халқаро илмий-амалий конференция ўтказилиши ҳақида

2023 йил 1-2 декабрь кунлари Ўзбекистон Республикаси Ҳуқуқни муҳофаза қилиш академияси ташкил этилганининг бир йиллиги муносабати билан “Ҳуқуқни муҳофаза қилиш соҳасида юридик таълим ва фан: замонавий тенденциялар ва истиқболлар” мавзусида халқаро конференция бўлиб ўтади.

Конференция Ҳуқуқни муҳофаза қилиш академияси томонидан «Минтақавий мулоқот» ХННТ, GIZ, Европа Кенгаши, ЕХҲТ, UNODC, IRZ ва бошқа халқаро ташкилотлар кўмагида ташкил этилди.

Тадбирда фан ва таълим соҳасидаги 40 дан ортиқ хорижий ва миллий экспертлар, 20 та давлатдан соҳавий муассасалар раҳбарлари ҳамда мутахассислари, шунингдек 10 та халқаро ташкилот вакиллари иштирок этиши кутилмоқда.

Конференция дастурида ялпи сессия, шунингдек “Инсон ҳуқуқлари бўйича таълим: академик мукаммаллик, технология ва инновациялар”, “Коррупция ва жиноий даромадларни легаллаштиришга қарши курашиш соҳасида халқаро стандартларни жорий этиш” ҳамда “Тергов ходимларини ўқитиш ва тайёрлашга замонавий ёндашувлар” мавзуларида параллел сессиялар ўтказилиши назарда тутилган.

Тадбир 2023 йил 1 декабрь куни Тошкент вақти билан соат 10:00 да (UTC+05:00) HILTON меҳмонхонасида (Tashkent city) бўлиб ўтади.

Халқаро илмий-амалий конференция якунига кўра илмий мақола ва тезислар тўплами нашр этилиши режалаштирилган.

Мақола ва тезисларга қўйилган талаблар (ҳавола).